🌸 كمية الزيت وعدد مرات التزيت لا يؤثر علي الهاندبيس بالضرر بل بالعكس بيديها عمر إفتراضي كبير جدا بس لازم نراعي الوقت والكيفيه عشان منضرش.
🌸 إيه هي ضرر الزيت مع وجود درجة حرارة الاتوكلاف (121 او 134 )؟
الزيت بيتحول من صورته السائلة إلى صورة صلبة أو (زي الشحم التقيل) .. طب دا ياثر علي الهاندبيس دكتور؟ طبعا يأثر لأن الرولمان البلي اللي في الكونترا صغير جدا ومحتاج تزييت مش تشحيم عشان يشتغل بصورة كويسة بدون أي مقاومه.
🌸 طب أخلي بالي من إيه لو زيت؟
1.لو حضرتك زيت قبل متدخل الهاندبيس الأوتوكلاف لازم تطلع الزيت دا من الهاندبيس تاني. أفضل طريقة إنك تطلع بيها الزيت مش إنك تقلب الهاندبيس لا .. إنك تركبها في المديول وتشغلها زي دقيقه أو أكتر عشان تخرج الزيت.
2.لو حضرتك هتزيتها بعد الأوتوكلاف مفيش أي مشكله بس بردو طلع الزيت منها عشان ميدخلش في فم المريض.
3.طب هو غلط إني أبيت الهاندبيس في الزيت في كبايه؟ لا مفيش ضرر .. الزيت كويس للهاندبيس عشان رولمان البلي . .بس متدخلهاش الأوتوكلاف بيه.
4.الهاندبيس ال high speed وال low .. الإتنين بيتزيتو طبعا وال low تهتمو بيها كويس جدا جدا في التزيت لأنها لو وقفت أو قفشت مشكله.
الل low speed مش شرط تفكها من المديول لأن غالبا فيه دكاترة مثبتاها في المديول ومبتفكهاش فهيجي يفكها من المديول مش هيعررف ف الحل إيه؟؟ جزء الموتور حط فيه زيت من فوق عادي وال angle وال straite حط فيهم عادي وركبهم وشغلهم شويه عادي.
🌸 تحذيييييييييير هاااااااااااام!!
إياك ثم إياك أي كلور أو ما شابه غير الزيت يدخل لل head بتاعت الهاندبيس (الكارتج). @A_A21_12_2020