الشاعر علي سعيد

جنت ازغير ماعرف امنياتي
كبرت وكمت اسولف ذكرياتي
اول شخص شفته بعيني الحسين
اول مابديت افهم حياتي
وبجن عله حسين ولطمن هواي
امي ابيتنه اتوصي ابخواتي

مولاتي زينب ع ادكول

عمت عيني شكثر لحسين عطشان
ونايم عالتراب وحيل ذبلان
الشمس تلجم اجروحك فوك دوس الخيل
وحجر جواك ونته امدد وعريان

الحسين يخاطب الامام الحسن عند استشهاد الزهراء ع

راحت يخويه امنه الحنينه
الباب بوجها دافعينه
وحيل الضلع من كاسرينه
من اليوم مايكطع بجينه

السيده زينب تخاطب امير المؤمنين ع
نميل وياها كلما ..مالت امي
ومن الوجع كلش .. ملت امي
ادور عله الشيله .. مالت امي
عسه من اشتمها ترجع روح بيه.

ثارك ما ايضيع وناخذه ابفزعه
وذب اعمامته السيد لبس درعه
بعد ويانه لاتتورط اسرائيل
مسح نمسحها من الخارطه بسرعه

اذا مر يوم بيه وماذكرت حسين
ذنوب هواي احس اليوم سويت
واضل استغفر الله الحد الغروب
واصلي واعتذر لحسين حبيت
وحاسب نفسي خلصت الوكت وين
مامتعود انسه حسين ونسيت

جديدي

صوره ابيتنه العباس خليت
وغاضب جان بالصوره ابوفاضل
اضل ارجف اشما رديت للبيت
وصد الوجهي من الخوف ذابل
واكف بيده رايه وجربته وسيف
وبعيونه  شرار ونار  تاكل
الحايط جان حار الصوره تجويه
الله ايساعده تاريخ شايل
شويه شويه ضل البيت ينهار
من كد ماثكيل البيت مايل
كلما صحنه زينب يهتز البيت
حته ابصورته العباس كافل

الشاعر علي سعيد

الكاظم عالجسر مطروح
ولا واحد اجه وشاله

غريبه هل جنازه منين راعيها
لاوالي وصلها ولا اجه اعليها
ولانسوان يمها اتشد نواعيها
غريب وعالجسر محد تعناله

الكاظم عالجسر مطروح
ولا واحد اجه وشاله

https://www.youtube.com/@%D8%A7%D9%84%D8%B4%D8%A7%D8%B9%D8%B1%D8%B9%D9%84%D9%8A%D8%B3%D8%B9%D9%8A%D8%AF

اي والله شبعت بجي يم الحسين ع

شبعت اشكد بجي من زرت الحسين
وحس دمعاتي جمره اطيح مني
بقيت امجلب ابشباج الحسين
صفنت وبالي يم الطف اخذني
كلت شحال زينب بالطف اهناك
وبنات حسين يبجن موتني
وماطول عليكم لسه مخنوك
وطلعت من الضريح ابجي بعدني

مولاتي زينب عليها السلام
ابعباتي ضل عله ابن امي ... كسرته
مشيت وخاطره كلش ........ كسرته
الخيل اتكسره وانه اسمع .... كسرته
الوجع بحسين كله اندار بيه.

السيده زينب عليها السلام
وجع بالروح صاباني ...... ولم عين
السبب ماضل اخو عندي .. ولامعين
رحت لحسين الم ضلعه ... ولم عين
شفت ضلعه وذكرت امي الزجيه.

علي سعيد

استشهاد الرسول ص

شگلك ياعلي عظم الله اجرك
ثگيل انته وهمومك چملت ثگلك
أمس مكسور ضهرك من مصاب حسين
واليوم ابن عمك هم كسر ضهرك

لسان حال زينب ع بعد استشهاد الأمام العباس.
بيش اچفنك ياچفن ليگد عليك
عباس لازم كون اچفننه بگمر
الماي اشربنه اذا من چف اخوي
لأن لو ما چفه ما يحله النهر
علي سعيد.

اراد يزيد ان يثير غضب السيده زينب ع قال لها كنتي أميره والان انتي أسيره فقالت له.
يضل اسمي الاميره وتاج فوك الشام
اجيت وروس اخوتي البضعن كدام
موحسبالك ازلامك التمشي وياي
هلي برماحهم متحزمين احزام
وزيين شاربك حته اكدر احجي وياك
مره انته وأبد مامحسوب عالزلام
تريد اتغيضني ودكلي اخوتج وين
ولك عالمشرعه اجيوشك اكوام اكوام
من كد ما ذبح عباس بالقادات
الجثث وصلت لخوي اشويه من الهام
مثل برق الرعيد السيف عد عباس
الوجع منتشر عدكم مثل فطر بجام

علي سعيد

حركو اخيامي وداسو حسين
وشردت اطفالي وي النساوين
باجر وياهم خويه ماشين
بالشام راح ادخل دواويين

الحادي من يحدي ابضعنه
يمشي بحقد شيريد منه
وحنه العليل ويانه مچتوف
كل ساعه يعثر واشيلنه

الجدم لو مامشه لحسين ... بيده
يلاهي، ولاتخله يطر .......... بيده
من اموت حسين احطن ايد ... بيده
ويجرني من السراط ابن الزجيه.

علي سعيد

الشكر لله الرزقني زيارة حسين
رحت زرته ودخلت انه الحضرته
رحت مهموم حيل ودمي محروك
وشتميت  عطره  وحيل  بسته
تدنيت اعله بابه بهيئة اذنوب
وطلعت من الصحن مرتاح سكته
الهوه اليم بابه من تشمه ترتاح
وحس حته ابطعم لمن شهگته
هنيال الصحابه اعليك يحسين
وهنيالك عليهم حته انته
اليطبلك كلبه أسود من الذنوب
يطلع لونه ابيض هيچ شفته

شيسكت الفاگد نحيبه
يحسين سموني الغريبه
بس العليل الضال وياي
رايد دوه ومنين اجيبه